Еуфоријата во Ливерпул брзо се претвори во хаос и страв, откако автомобил се забил во толпа навивачи кои го прославуваа историскиот 20-ти шампионски трофеј на клубот во Премиер лигата. Инцидентот се случи околу 18 часот, во близина на крстосницата меѓу „Дејл стрит“ и „Вотер стрит“, каде илјадници луѓе се собраа за да му оддадат чест на својот тим при шампионската парада.
Според Мерсисајдската полиција, повикот за интервенција бил примени малку по 18 часот.
„Автомобил удрил во група пешаци на ‘Вотер стрит’. Возилото е запрено, а осомничен маж е приведен. Итната помош веднаш пристигна на терен“, се наведува во полициското соопштение.
Властите најавија дека ќе објават повеќе информации кога ќе имаат.
На местото на несреќата е поставен полициски кордон, а целиот сообраќај во областа е прекинат додека трае истрагата и се згрижуваат повредените.
Овој шокантен настан фрли сенка врз големата радост на градот, претворајќи го славјето во момент на тага и загриженост.
