Астон Вила ја забележа својата 17. победа во Премиер – лигата оваа сезона, совладувајќи го Фулам со 1-0 на „Вила Парк“. Единствениот гол на натпреварот го постигна Јури Тилеманс уште во 12. минута, по асистенција од Џон Мекгин.
Со оваа победа, тимот на Унаи Емери ги задржува своите амбиции за настап во Лигата на шампионите следната сезона. Астон Вила моментално се наоѓа на седмото место со 60 бодови – исто колку што има и петтопласираниот Челси, но Вила има одиграно еден натпревар повеќе.
Фулам, пак, останува на осмата позиција со вкупно 51 бод.
