Македонскиот прволигаш Тиквеш продолжува со активности во пресрет на новата сезона, обезбедувајќи континуитет во составот. Клубот од Кавадарци денеска ја информираше јавноста дека го продолжил договорот со стандардниот првотимец Мартин Стојанов.
Со ова, Стојанов стана четвртиот фудбалер кој летово потпиша нов договор со Тиквеш, по што истото го направија и Мишов, Миловановиќ и Стојкоски.
Од клубот истакнуваат дека задржувањето на клучните фудбалери е дел од стратегијата за стабилна и конкурентна екипа во новата сезона на Првата македонска фудбалска лига.
