Милан е „главен“ во Милано: Мењан го сопре Интер, а Пулишиќ погоди за триумф (ВИДЕО)

Милан славеше со 0-1 против Интер во големото миланско дерби и се искачи на второто место во Серија А со 25 освоени поени, само два зад лидерот Рома. Иако формално беа гости, „росонерите“ успеаја да извојуваат важен триумф и уште еднаш покажаа дека оваа сезона целат високо во италијанскиот фудбал.

Оваа победа воедно беше и јубилејната стота за Масимилијано Алегри како тренер на Милан.

Стрелец на единствениот гол беше Кристијан Пулишиќ во 54. минута, а вистински херој на натпреварот беше голманот Мајк Мењан. Тој во 74. минута го одбрани пеналот на Хакан Чалханоглу и ја сочува предноста.