Пред натпреварот меѓу Наполи и Аталанта во Серија А, македонскиот репрезентативец Елиф Елмас привлече внимание, иако не беше дел од стартниот тим. Клубот го одбележа неговиот 200. настап за Наполи, кој всушност се случи на претходниот меч против Болоња.
Елмас првпат настапуваше за Наполи во периодот од 2019 до 2024 година, а оваа сезона се врати во тимот откако претходно играше за Лајпциг и Торино.
За овие 200 натпревари, Елмас постигна 19 голови, но сè уште го чека првиот погодок сезонава во дресот на Наполи.
