Барселона е во лоша финансиска состојба и не може во зимскиот преоден рок да си дозволи скапи засилувања, а на Роналд Куман дефинитивно му е потребна замена за повредениот напаѓач Ансу Фати. Тој, според најавите, ќе отсуствува дури и до пет месеци од терените, а тоа значи дека Барселона ќе мора да пронајде нов офанзивен фудбалер на пазарот.
Клубот од „Камп Ноу“ се врти кон слободните агенти.Марио Манџукиќ, поранешниот напаѓач на Баерн Минхен и на Јувентус, е една од опциите, но и Александре Пато, бразилскиот интернационалец кој многу млад блесна во Милан, но потоа се изгуби од светската сцена.
Во Барселона размислуваат дури и за Шинџи Кагава, екс-фудбалерот на Борусија Дортмунд, како и за Даниел Стариџ и Џек Вилшер кои во моментот исто така се „невработени“ фудбалери и немаат клуб.
