Талентираниот Адмир Љатифи кариерата ќе ја продолжи во хрватскиот прволигаш Осијек.
Осумнаесетгодишниот фудбалер, кој веќе има 41 настап во Првата македонска фудбалска лига со дресовите на Беса и Македонија Ѓорче Петров, замина на својот прв интернационален предизвик. Игра на крилните позиции, но може да настапува и зад напаѓачите. Фудбалскиот пат го започна во школата на Њу Старс, а во редовите на „лавовите“ се пресели во 2022 година.
По распадот на Беса, Љатифи пронајде нов ангажман, и тоа во Хрватска. Сега останува да се види дали Осијек ќе му даде шанса веднаш во првиот тим или ќе го вклучи во младинскиот состав за да стекнува дополнително искуство.
Адмир Љатифи е младински репрезентативец на Македонија и моментално е дел од селекцијата до 19 години.
