Светскиот првак Франција не се грижи премногу за имиџот на пријателските натпревари, па си дозволи на „Сент Дени“ од Финска со 0-2. Дидие Дешамп го немаше на располагање повредениот Килијан Мбапе, но ниту Гризман, Жиру, Бен Једер и останатите не успеаја да го пронајдат патот на топката до мрежата на Финците. Гостите славеа со головите на Маркус Форс и на Они Валакари во првото полувреме.
Германија минимално ја совлада Чешка со 1-0, со голот на Лука Валдшмит, а Мичи Батшуаи беше двоен стрелец за Белгијците во триумфот над Швајцарија.
Холандија и Шпанија ремизираа 1-1. Серхио Каналес ја доведе „фуријата“ во водство, а израмни Доби ван де Бек во второто полувреме. Серхио Рамос го одигра 167. натпревар во репрезентативниот дрес.
Турција и Хрватска го одиграа шлагерот на вечерта, голеада и на крајот 3-3. Албанија беше подобра од Косово и победи со 2-1.
