Македонскиот репрезентативец Стефан Ристовски има одлична сезона со Динамо Загреб. „Модрите“ успеаја да ја освојат титулата, а капитенот на националниот тим стигна и до јубилеен стоти натпревар во дресот на Динамо.
„Ова е мој прв клуб за кој сум одиграл толку мечеви и пресреќен сум. Сакам да дојдам до двојно од ова досега. Горд сум на овој тим, но горд сум и на мојот 100 меч. Ако гледаме статистички, јас во цела кариера не сум имал ваква статистика како пролетва. Ама, мене секогаш ми е најважен е колективот, тоа постојано го истакнував сезонава, колективот исфрла индивидуалци“, изјави Ристовски.
