Состав: Милевски направи три замени во тимот за мечот со Малта

МАКФУДБАЛ во Малта,

Никола Ѓуровски

Селекторот на фудбалската репрезентација на Македонија, Благоја Милевски, направи три замени во стартниот тим за вечерашниот меч против Малта, во однос на составот кој настапи на дуелот против Италија (1-1) во Скопје.

На местото на Агон Елези е Исник Алими, Бојан Димоски ќе настапи на местото на Стефан Ашковски, а на голот ќе биде Дамјан Шишковски и ќе го замени повредениот Столе Димитриевски.

Во одбраната се Зајков, Муслиу и Манев, на десната странична позиција ќе биде Бојан Димоски, а лево Езгјан Алиоски.

Во средниот ред се Енис Барди, Јани Атанасов и Исник Алими, а во нападот ќе играат Елиф Елмас и Бојан Миовски.