Менаџерот на Ливерпул, Арне Слот, се осврна на трансферот на Луис Дијаз во редовите на Баерн Минхен. Колумбискиот офанзивец официјално се пресели во германскиот гигант за 75 милиони евра.
Слот говореше по натпреварот со Јокохама во Токио, кој Ливерпул го доби со 3-1.
„Веќе беше јасно дека ќе дојде тежок ден кога Дијаз ќе замине. Тоа е посебно тажно поради неговиот карактер, цела сезона со него помина со насмевка на лицето, без разлика на околностите“, изјави Слот.
„Играв многу со него, па можеби и затоа беше толку позитивен. Но дури и кога не беше стартер, секогаш тренираше со максимален ангажман и истата таа насмевка.“
„Ќе ми недостига, искрено. Особено песната која навивачите ја пееја за него – можеби една од најдобрите навивачки песни кои сум ги слушнал за некој играч. Секако, ќе недостига и сè што даде за тимот во борбата за титулата. Но ние сме клуб кој знае да продава и да реинвестира. Така функционираме веќе неколку години. Оваа година веќе направивме неколку силни трансфери“, заклучи Холанѓанецот.
