Атлетико Мадрид синоќа загуби на гостувањето кај Манчестер Сити со 1-0, а тренерот Диего Симеоне доби многу критики за изданието што го имаше неговиот тим. Определен само на одбраната, во формација 5-5-0, Атлетико Мадрид не ни помислуваше да тргне во напад.
Но, Симеоне има оправдување. Вели дека Манчестер Сити е веројатно најдобриот тим во светот и не е лесно да му се спротиставите.
„Добар натпревар против извонреден тим. Сакавме да се одбраниме, да го намалиме просторот и да се обидеме да се заканиме од контранапади. Токму кога се чинеше дека ќе ги имаме најдобрите шанси, примивме гол. Тоа беше тежок натпревар. Ги видовте нивните промени, направија три одлични замени, воведоа три подеднакво добри фудбалери од клупата. Тоа е можеби најдобриот тим во светот“, изјави тренерот на Атлетико, Диего Симеоне.
