Шок и магија на „Монжуик“ – Интер поведе против Барселона по само 31 секунда, а тоа го направи на спектакуларен начин! Маркус Турам постигна неверојатен гол со петица, откако Дензел Думфрис нафрли од десната страна.
Французинот маестрално ја насочи топката со удар со петица и ја замолкна каталонската публика уште пред да се развие натпреварот.
Овој брз гол не само што донесе психолошка предност за Интер, туку покажа и дека тимот на Симоне Инзаги нема намера да игра дефанзивно, туку смело тргна по финале во Лигата на шампионите.
