Се продава италијанскиот гигант Јувентус. Италијанскиот дневен весник „Ил Џорнале“ ја објави сензационалната вест утринава. Според изданието, холдингот „Ексор“, кој ги поседува акциите на „старата дама“, размислува да се повлече од клубот.
Компанијата, која ја води семејството Ањели, смета дека Јувентус повеќе не ги носи потребните приходи и не е „финансиски одржлив“. Во последните години клубот е растргнат од голем број скандали и постојано има правни проблеми.
Според „Ил Џорнале“, цената на клубот е 1,5 милијарди евра.
Јувентус доби забрана за учество во европските клупски натпреварувања откако заврши на седмата позиција во конечниот пласман во Серија А. Тоа бидејќи му беа одземени 10 бода поради лажно сметководство.
