Селекторот на Англија, Герет Саутгејт, го нарече „смешен“ односот на навивачите и медиумите кон дефанзивецот Хари Мегваер, кој си постигна автогол при контролата против Шкотска. Европските вицешампиони го добија дуелот со 3-1.
Мегваер влезе во второто полувреме и беше иронично бодрен од шкотските навивачи со секое додавање што го завршуваше.
„Искрено, односот кон него е смешен. Смешна работа. Никогаш во мојата кариера не сум видел кон некој играч да се однесуваат вака. И тука не зборувам само за навивачите на Шкотска, туку и за нашите коментатори, медиуми и за луѓето. Создадоа нешто што е апсурдно“, изјави Саутгејт по пријателскиот натпревар.
„Хари е многу важен играч во тимот кој веројатно е втор најуспешен во историјата на Англија. Неговата улога е клучна“, дополни Саутгејт.
