Селекторот на Англија, Герет Саутгејт, уште еднаш остро негираше дека имал разговари за наследник на Ерик Тен Хаг на манеџарската позиција во Манчестер Јунајтед. Во последниве недели, некои медиуми на Островот тврдат дека тој е фаворит за функцијата.
Обложувалниците го сместуваат и на едно од првите две места меѓу потенцијалните кандидати, рангирајќи го многу блиску до Томас Тухел. Сепак, Саутгејт нагласува дека во моментов размислува само за Европското првенство каде ќе се обиде да ја освои титулата со Англија.
„Овие гласини немаат никакво значење. Немаше разговори. Има само една работа на која треба да се фокусирам, а тоа е да го имаме најуспешниот можен турнир со репрезентацијата на Англија на ЕВРО 2024. Секогаш има шпекулации околу менаџерите бидејќи ако изгубите неколку натпревари веќе сте во неволја. Ако победите неколку по ред, агендата станува сосема поинаква. За мене ЕВРО 2024 е брилијантна можност. Со нетрпение го очекуваме турнирот. Фокусирани сме да направиме чекор напред од последното Европско првенство (Англија загуби во финалето од Италија на пенали)“, изјави Герет Саутгејт.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski