Селекторот на Италија, Лучијано Спалети објави продолжен список од 30 играчи на кои очекува да се потпре за завршницата на Европското првенство. Четворица играчи треба да отпаднат до 6 јуни, кога ќе биде јасен и конечниот состав.
Една од големите вести е дека во групата е играчот од средниот ред на Јувентус, Николо Фаџоли. Во октомври тој доби седум месеци суспензија поради обложување, а казната штотуку му истече. Сепак, надвор од составот останува неговиот соиграч Мануел Локатели.
Дефанзивецот на Болоња, Рикардо Калафиори, го доби првиот повик. Фаџоли, Раул Беланова и Михаел Фолоруншо само по вторпат се во селекцијата на Спалети. Во составот се вратија Самуел Ричи и Иван Проведел. Искусниот Чиро Имобиле нема да игра на ЕП бидејќи не наоѓа место на списокот, исто како и Марко Верати.
Голмани: Донарума, Викарио, Мерет, Проведел.
Дефанзивци: Ачерби, Бастони, Дармијан, Скалвини, Бонџорно, Манчини, Калафиори, Ди Лоренцо, Беланова, Димарко, Камбијасо
Среден ред: Барела, Фратези, Кристанте, Пелегрини, Фаџоли, Жоргињо, Ричи, Фолорунсо.
Напаѓачи: Киеза, Распадори, Ретеги, Скамака, Орсолини, Закањи, Ел Шарави.
