Познатиот Ирец Роби Кин е именуван за нов тренер на унгарскиот шампион Ференцварош, соопшти клубот.
Кин пристигнува во Будимпешта со цел да ја одбрани титулата на Ференцварош во унгарското првенство. Тимот моментно има еден бод помалку, но и натпревар помалку од лидерот Пушкаш Академија на крајот од првиот дел од сезоната.
Поранешниот ирски напаѓач веќе има тренерска титула во својата кариера, откако со Макаби Тел Авив ја освои шампионската титула во Израел. Пред тоа, работеше како тренер-играч во индискиот тим АТК.
Ференцварош исто така се натпреварува и во Лига Европа, каде што на две кола пред крајот на групната фаза, се наоѓа на 16. позиција со девет освоени бодови.
Кин ќе го замени Холанѓанецот Паскал Јансен на тренерското место во унгарскиот клуб.
