Германскиот стратег Ралф Рангник од утре треба да ја преземе менаџерската функција на „Олд Трафорд“ и од него се очекува да донесе новини во тимот на Манчестер Јунајтед. Оле Гунар Солскјер имаше на располагање одлични фудбалери, но тимските резултати изостанаа.
Се очекува Рангник да направи и одредени промени во тимот, а веќе го има таргетирано и првото засилување. Тоа е Амаду Хајдара кој е член на неговиот поранешен клуб Лајпциг. 23-годишниот централен играч за врска игра одлично во Бундес – лигата, а би можел да дојде веќе во јануари за сума од 33 милиони фунти, колку што изнесува отштетната клаузула.
Манчестер Јунајтед имаше големи амбиции оваа сезона, но во моментот е далеку и од позициите кои водат во Лигата на шампионите.
