Пари Сен Жермен се зацврсти на врвот на табелата во француското првенство откако славеше со 1-3 на гостувањето кај Сент Етјен. Домаќинот цело полувреме играше со фудбалер помалку поради исклучувањето на Колоѕеџак.
Сент Етјен поведе преку денис Буанга во 25.минута, но ПСЖ израмни со голот на Маркињос во последните мигови од првиот дел.
Анхел Ди Марија се погрижи за пресврт во 79.минута, а Маркињос во судиското продолжение го потврди триумфот од 1-3. Во тимот на ПСЖ на овој меч дебитираше и Серхио Рамос, поранешниот фудбалер на Реал Мадрид кој долго отсуствуваше поради повреда.
