Фудбалската репрезентација на Македонија денеска напладне ќе го има првиот собир во пресрет на подготовките за пријателските натпревари против Хрватска и против Чешка. Селекторот Благоја Милевски, според извештаите на турските медиуми, нема да може да смета на капитенот на националниот тим Енис Барди, кој вчера го повреди рамото, на последниот меч од првенството на Турција.
Барди беше заменет во 17.минута, а последните информации се дека повредата на рамото не е наивна и дека тој ќе мора да мирува одреден период. Ова значи дека нема да може да игра за националниот тим на претстојните два пријателски натпревари.
Сепак, оваа информација дополнително ќе треба да биде потврдена и од Фудбалската федерација на Македонија во текот на денот.
