Фудбалската репрезентација на Македонија до 19 години доживеа пораз (0-2) од Украина на стартот на елитните квалификации за пласман на ЕП 2025. Избраниците на Тони Јакимовски беа конкурентни во првиот дел, но примија гол во 45.минута. Погодокот го постигна Данило Кревсун.
На стартот на второто полувреме Украина зголеми на 0-2. Матви Пономаренко во 48.минута постигна втор гол за противникот и практично го реши натпреварот.
Во финишот Македонија остана и со фудбалер помалку поради исклучувањето на Анес Мелиќи.
На натпреварот во Ѓорче Петров, Швајцарија ја победи Летонија со 1-0, со голот на Јанис Лути во 90. минута.
