Вториот дел од првенството во Првата лига е на прагот, а Пелистер се уште се комплетира. Македонскиот прволигаш доведе уште едно ново име во пресрет на продолжението од сезоната. Одбраната на тимот на Марјан Секуловски ќе биде засилена со Андреј Ричков, кој првиот дел од сезоната го мина во дресот на Каменица Саса, а подготовките ги реализираше со составот на Вардар.
Сепак, во потрага по поголема минутажа се одлучи да ја прифати понудата на Пелистер. Тој настапува на десната бековска позиција. Претходно играше и за Осогово, Борец, Беласица, Скопје, Кит Го.
