Академија Пандев го пречекува Работнички денеска од 13:30 часот во првиот натпревар од 13. коло во Првата македонска фудбалска лига, носен од желбата за враќање на победите по претходниот пораз од Борец.
Но, „пандевци“ се соочуваат со сериозни проблеми во пресрет на дуелот со „романтичарите“ ако се знае дека Југослав Тренчовски нема да може да смета на двајцата свои најдобри фудбалери Љупче Дориев и Ѓорѓи Стоилов кој мора да паузираат поради повреди. За Дориев е завршена есенската полусезона по тешката повреда заработена во Велес.
Сепак, без разлика на проблемите, од таборот на Академија Пандев најавуваат атак на три бода како би се продолжила трката со Вардар за водечката позиција во шампионатот.
Позитивен резултат посакуваат и во редовите на Работнички ако се знае дека еден од најтрофејните македонски клубови е во незавидна положба на дното од табелата во шампионатот.
ПРВА ЛИГА – 13. КОЛО (денеска, 13:30 ч.)
Струмица: АК. ПАНДЕВ – РАБОТНИЧКИ
УТРЕ
Скопје: МАКЕДОНИЈА ЃП – СИЛЕКС
Тетово: ШКЕНДИЈА – БОРЕЦ
Скопје: ВАРДАР – РЕНОВА
Скопје: ШКУПИ – СТРУГА ТЛ
