Гранде Пандев заслужи да се радува. Најдобриот фудбалер во историјата на Македонија ја исполни мисијата, на залезот од фантастичната кариера се пласираше со националниот тим и на Европско првенство.
„Ваква среќа не сум доживеал. Сум играл многу натпревари досега, ама сега сум пресреќен. Мислам дека со искуството му помогнав на тимот да ја оствариме историската цел, настап на Европското првенство следната година“, изјави Горан Пандев во еуфоријата.
Пандев со Интер стана европски и светски првак, а круна на неговата богата кариера ќе биде настапот со Македонија на Европското првенство.
