Одложено дербито Партизан – Црвена Звезда

„Вечното дерби“ на српскиот фудбал меѓу Партизан и Црвена Звезда, кое требаше да се одигра утре, е одложено. Причината е прогласувањето на тридневна жалост во Србија.

Владата на Србија одлучи да прогласи тридневна жалост поради настаните на северот на Косово, каде што имаше жртви. Одложени се и сите други спортски настани во претстојните три дена.

Фудбалското дерби меѓу Партизан и Црвена Звезда требаше да се одигра в среда од 19 часот.