Јан Облак не успеа да ја зачува својата мрежа вечерва на „Итихад“. Кевин де Бруин го постигна голот за победа на Манчестер Сити над Атлетико од 1-0 во првиот натпревар од четвртфиналето.
Сепак, голманот на Атлетико Мадрид нагласува дека ништо не е готово.
„Знаевме дека ова ќе биде компликуван двомеч. Дојдовме за добар резултат, загубивме со 1-0, но има уште да се игра. Добро се браневме во текот на целиот натпревар, со исклучок на ситуацијата во која примивме гол. Сити го користеше поседот на топката како своја предност, но ние бевме со чисти глави и добро го затворивме просторот. Сè уште е можно да го елиминираме Сити, бидејќи решавачкиот натпревар го играме на домашен терен, а во Атлетико секогаш мора да се верува“, изјави Јан Облак.
