По поразот во „италијанското дерби“ од Интер (0-1), нов пех го погоди тимот на Масимилијано Алегри. Играчот за врска Мануел Локатели заработи повреда на коленото и ќе мора да ги пропушти натпреварите во наредните триесетина дена.
Според лекарските проценки, играчот од средниот ред ќе може да ги одигра последните три првенствени натпревари за „старата дама“, против Џенова (8 мај), Лацио (15 мај) и Фиорентина (22 мај), но и финалниот натпревар од Купот на Италија, под услов неговите соиграчи да ја елиминираат Фиорентина во полуфиналето.
Локатели минатата сезона пристигна во Јувентус од Сасуоло, а на 40 натпревари во сите натпреварувања постигна три гола и запиша пет асистенции во дресот на Јувентус.
