Бразилската фудбалска ѕвезда Нејмар изјави дека тој и поранешниот соиграч Лионел Меси во Пари Сен Жермен „минале низ пекол заедно“.
Нејмар во интервју за бразилското онлајн издание „Globoesporte“ прокоментира дека е среќен за својот пријател, но и тажен во исто време.
„Тој отиде во рајот со репрезентацијата на Аргентина, освојувајќи сѐ во последните години. А со Пари Сен Жермен помина низ пекол. Поминавме низ пекол – и тој и јас”, изјави бразилскиот фудбалер.
Нејмар не коментираше детали, но додаде дека Лионел Меси не бил праведно критикуван во Париз и не заслужувал таков третман кога си заминал од тимот од фудбалска гледна точка.
Пред Меси да се пресели во американскиот Интер Мајами летото, тој и Нејмар играа заедно две сезони во францускиот шампион. Двајцата беа соиграчи од 2013 до 2017 година и во Барселона.
Лионел Меси неодамна на прес-конференција откри дека не сакал да ја напушти Барселона и дека имал тешки моменти во Пари Сен Жермен.
Со Интер Мајами, Меси ги победи првите девет натпревари, постигна 11 гола и го предводеше тимот до трофејот во Лига купот.
Нејмар пред неколку недели дојде во саудискиот клуб Ал-Хилал за 90 милиони евра.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski