Tренерот на Ростов, Валери Карпин, мораше да го напушти клубот. Карпин беше назначен за селектор на Русија на крајот од минатиот месец со договор до крајот на годината, и мораше да ја комбинира својата работа во Ростов. Фудбалската федерација на Русија се изјасни против комбинирање на двете позиции, па Карпин беше принуден да го напушти Ростов.
„Донесов тешка одлука да го напуштам тренерското место на Ростов. За мене е тешко, но секако ќе биде најдобро за сите“, изјави Карпин.
Ростов забележа два последователни домашни порази во првите два натпревари од новата сезона во руската Премиер лига и се наоѓа на дното на табелата.
