Наполи перфектно го одработи дербито против Аталанта (2-3) во Бергамо, иако остана без својот клучен играч, Квича Кварацкелија, кој направи трансфер во ПСЖ. Тимот покажа голема борбеност и стигна до важна победа, која ја продолжи лошата серија на Аталанта од пет натпревари без триумф.
Домаќините поведоа во 16. минута преку Ретеги, но Наполи успеа да одговори до крајот на првото полувреме. Политано и Мектоминеј реализираа и направија пресврт за 1-2. Во второто полувреме, Лукман донесе израмнување за Аталанта, но гостите ја задржаа својата концентрација. Одлучувачкиот момент дојде во 78. минута, кога Лукаку постигна гол за 2-3, обезбедувајќи три бода за Наполи.
Со оваа шеста последователна победа, Наполи останува на врвот на табелата со 50 бода, шест повеќе од второпласираниот Интер, кој има два натпревари помалку. Аталанта, пак, останува трета со 43 бода
