Шкупи го стори речиси невозможмото и за три минути постигна два гола, со кои триумфираше против Работнички (1-2) на „Тодор Проески арена“ и обезбеди пласман во квалификациите за Лигата на Европа. Творец на неверојатниот пресврт во финишот беше Берат Џонатан Устабаши, кој беше стрелец на двата гола.
Со своето фантастично издание го заслужи признанието за најдобар играч на 36. коло во изборот на МАКФУДБАЛ.
Устабаши во 90.минута израмни на 1-1, а во 92.минута постигна победнички гол за Шкупи, кој го отвори патот за пласман во европските купови.
„Ова беше неверојатен меч. Верувавме до крај во победа и тоа на крајот и ни се исплатеше. Среќни сме што ја исполнивме целта, и тоа со пресврт во самиот финиш“, изјави Устабаши.
