Милан го договорил доаѓањето на Алваро Мората, пренесуваат италијанските медиуми. Тој ја одбил опцијата да замине во Саудиска Арабија и сака само на „Сан Сиро“.
Саудискиот клуб Ал Тавон на Мората му понудил дури 50 милиони евра по сезона, но тој одолеал на предизвикот.
Напаѓачот на Атлетико Мадрид верува дека му претстојат уште најмалку три или четири сезони на високо ниво во Европа. Поканата на Милан за него дојде во вистински момент.
Мората има многу прифатлива откупна клаузула, околу 10 милиони евра, во договорот со Атлетико, која Милан може без проблем да ја плати.
