Напаѓачот на Ливерпул, Мохамед Салах, има позитивен тест на коронавирус, потврдија од Фудбалската федерација на Египет. Тој е единствениот „позитивен“ кај Египќаните.
„Тестовите на фудбалската репрезентација на Египет покажа дека Мохамед Салах е заразен со коронавирус. Неговиот тест е позитивен иако нема никакви симптоми. Сите други членови на тимот се негативни“, известија од федерацијата.
Салах сигурно ќе ги пропушти мечевите со Лестер во Премиер – лигата и со Аталанта во Лигата на шампионите. Ова се нови големи проблеми за менаџерот Јирген Клоп.
