Фудбалерите на Реал Мадрид синоќа во финале на ЛШ го совладаа Ливерпул со 1-0 и по 14. пат во клупската историја станаа европски шампиони. Еден од најзаслужните за новата титула најдобар во Европа беше хрватскиот репрезентативец Лука Модриќ.
Ветеранот на Реал беше еден од најдобрите играчи во париското финале и со Мадрид ја освои рекордната петта титула шампион на Стариот континент.
„Се уште се обидуваме да разбереме што се случи, што направивме. Немам зборови да го опишам тоа. Отсекогаш сум велел дека нема поголем клуб од Реал и тоа секогаш мора да го повторуваме“, изјави еуфоричниот Модриќ.
Реал секогаш излегувал со трофеј во последните финалиња во Лигата на шампионите. Модриќ е дел од триото на средината на теренот, заедно со Крос и Кашемиро, кои на мадриѓаните им донесоа пет „трофеи со уши“.
„Кога ќе видите како ние играчите се чувствуваме во овој дрес, како го сакаме овој клуб, тогаш јасно е од каде се толку успеси и добри резултати. Пет титули во Лигата на шампионите изгледаа нереално, но сега ги имаме. Се надевам дека ќе ги има уште повеќе“, истакна Модриќ.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski