Младата фудбалска репрезентација на Македонија до 21 година одлично го почна циклусот со триумф на гости против Шведска, но потоа следеа неколку разчарувачки игри и резултати.
Денеска (13 часот) селекцијата на Драган Канатларовски ја пречекува Грузија и императив е да се врати на победничките патеки.
“Имавме подеми и падови во овој циклус, но мислам дека сме подготвени да се вратиме на вистинскиот пат. Доколку бидеме фокусирани и ги исполниме задачите на селекторот, се надеваме на успех”, изјави Иван Николов.
По овој квалификациски дуел, младите фудбалери ќе одиграат и пријателски натпревар на гостински терен против Австрија.
