Македонскиот репрезентативец Бојан Миовски заработи сериозна повреда на мечот меѓу Абердин и Сент Мирен од првенството на Шкотска. Како што информираат шкотските медиуми, по грубиот старт на Тиери Смол, напаѓачот останал на тревникот и побарал помош од медицинскиот тим.
Проценето е дека Миовски мора да биде заменет, а изнесен е на носилки од теренот во 34.минута.
Да се надеваме дека сепак не се работи за премногу сериозна повреда, а ова дефинитивно ќе биде проблем и за селекторот Благоја Милевски во пресрет на јунските квалификациски натпревари на македонската репрезентација против Украина и против Англија.
