Македонија со убедлив пораз (3-0) се враќа од Ријека, а селекторот Благоја Милевски во главата има и „триста“ други проблеми околу составот, тактичката дисциплина, но пред сѐ со малата минутажа на некои фудбалери во своите клубови.
На ваков начин, реално, и не може да бидеме да бидеме конкуретни, посебно во дуели со силни селекции како Хрватска.
„Хрватска ја потврди класата, тие се подобри, го докажаа тоа и честитки за нивната победа. Би сакал да им посакам и многу среќа на Европското првенство. Не треба да се посветиме на нашата игра и нашите „проблеми“. До септември ќе мораме да анулираме и некои аномалии во нашата игра, се појавија околу тактичката дисциплина во играта, но и кај физичката подготвеност. Некои играчи мора да ги решат проблемите со минутажата во своите клубови за да бидат поконкуретни во националниот тим“, изјави селекторот Благоја Милевски.
