Милан Ристовски стрелец за Спартак Трнава

Македонскиот интернационалец Милан Ристовски постигна нов гол за Спартак Трнава во словачкото првенство. На денешниот дуел против Тренчин, Ристовски беше стрелец на погодок во 13.минута за водство од 2-0 на Спартак Трнава. Тоа на крајот се покажа и како потврда за нов триумф на тимот.

Спартак Трнава се наоѓа на третото место на табелата со 50 бода, пет повеќе од Жилина и е блиску до излез на европска сцена.