По Килијан Мбапе, и Лионел Меси се врати на тренинзите на Пари Сен Жермен. Денеска и двајцата беа дел од активноста на тимот кој утре му гостува на Баерн Минхен во првото осминафинале во Лигата на шампионите.
И двајцата се жалеа на повреди, Аргентинецот го пропушти дербито на Монако, а францускиот напаѓач не играше од почетокот на месецот.
Се очекува и Лео Меси и Килијан Мбапе да настапат против Баварците.
Со тренинзи се врати и играчот од средниот ред Марко Верати, а сѐ уште надвор од ритам се Ренато Санчез и Норди Мукиеле.
