Мелем за раните: Јувентус го освои Купот на Италија (ВИДЕО)

Јувентус го загуби „скудетото“, но, сепак, покрај Суперкупот успеа да го освои и Купот на Италија под раководството на Андреа Пирло. „Старата дама“ го доби финалето против Аталанта во Реџо Емилија со 2-1 и барем малку ги залечи раните.

Дејан Кулушевски го отвори резултатот во финалето со голот во 31.минута, но Аталанта израмни пред полувремето со погодокот на Руслан Малиновски. Сепак, Федерико Киеза во 73.минута постигна победнички гол за тимот на Пирло.