Реал вечерва со своите навивачи во Мадрид ја прослави титулата европски првак. „Кралевите“ со победата од 1-0 над Ливерпул во Париз стигнаа до 14. трофеј во европската фудбалска елита, а играчите и стручниот штаб вечерва беа пречекани како вистински кралеви.
За неколку играчи на Реал Мадрид ова е последен пат да се појават во дресот на овој клуб. Си заминуваат Герет Бејл, Иско и апсолутната легенда Марсело кој го крена трофејот.
Марсело помина дури 15 години во Реал. Со овој тим освои апсолутно се, но раководството на клубот реши да не му понуди продолжување на соработката.
Бразилскиот лев бек го напушта клубот. Вечерва последен пат ги носеше боите на Реал и не можеше да ги задржи емоциите.
Расплаканиот Марсело излезе на сцената, клекна на колена, а потоа на сцената излегоа останатите играчи на Реал. Го опколија за утеха, по што следеше голем огномет и познатата песна на Queen – ‘We are the champions’.
Marcelo in tears 🥹🤍
— MadridistaTV (@madridistatvYT) May 29, 2022
pic.twitter.com/8eEYNXLwo9
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski