Раководството на Манчестер Сити ќе му понуди нов договор на шпанскиот играч во средниот ред Родри (28), со кој тој ќе стане втор најплатен фудбалер на „Етихад“, веднаш зад Ерлинг Халанд, пренесуваат британските медиуми.
Родри ја пропушти речиси целата сезона поради повреда на коленото, а на теренот се врати на 20 мај, во претпоследното коло на Премиер – лигата. Иако неговиот тековен договор истекува за две години, управата на клубот ќе му понуди нов четиригодишен договор со годишна плата од околу 20 милиони евра.
Шпанскиот репрезентативец се приклучи на „граѓаните“ во летото 2019 година, а досега заработуваше околу 12,5 милиони евра годишно.
Најплатен играч во Сити е норвешкиот напаѓач Ерлинг Халанд, кој заработува околу 32 милиони евра по сезона.
