МАКФУДБАЛ ТРЕНЕР на сезоната: Ѓорѓи Мојсов

Тиквеш беше најпријатното изненадување изминатата сезона во Првата лига. Го заокружи настапот на четвртото место, а освои и историски трофеј во Купот на Македонија. Зад сето тоа стои раката на младиот стратег Ѓорѓи Мојсов кој доби шанса да го предводи составот на кавадаречкиот тим и веднаш покажа дека има огромен капацитет.

Тиквеш игра одличен, офанзивен фудбал, во Кавадарци успеа да ги победи и фаворитите за титулата, а градот повторно го зафати фудбалска еуфорија.

МАКФУДБАЛ го избра Ѓорѓи Мојсов за најдобар тренер во сезоната 2023/24 во Првата фудбалска лига. Тој го предводи МАКФУДБАЛ ТИМОТ НА КОЛОТО.