Сандерленд со чудесен пресврт успеа да го надигра Шефилд Јунајтед во финалето од плеј-офот во англискиот Чемпионшип и славеше со конечни 1-2, обезбедувајќи учество во Премиер лигата следната сезона. Победничкиот гол на Том Вотсон беше постигнат во 95.минута од дуелот.
Шефилд беше многу подобар ривал во првото полувреме, поведе со голот на Тајрис Кембел во 25. минута, а потоа Харисон Бароус стрелаше уште еднаш, но голот беше поништен поради офсајд. Екипите заминаа на одмор со минимална предност за Шефилд (1-0).
Сандерленд одигра многу посериозно во вториот дел, се чинеше дека е во одличен налет, па најпрво успеа да израмни во 76. минута преку Елизер Мајенда, а експлозијата на трибините на донесе „детето“ на клубот, Том Вотсон, кој режираше комплетен пресврт 95. минута и го одведе својот тим во Премиер – лигата.
