На стадионoт на ФФМ во Скопје, денеска од 14 часот, ќе се одигра финалето од женскиот фудбалски Куп на Македонија, во кое ќе се сретнат најдобрите две екипи сезонава – Љуботен и Тиверија Брера. Влезот за натпреварот е бесплатен.
Љуботен влегува како бранител на трофејот, откако го освои Купот во последните две сезони и никогаш досега не загубил финале. Тимот од Тетово е и троен актуелен шампион на Македонија, а оваа сезона има пет бода предност токму пред Тиверија Брера во борбата за нова титула.
Од друга страна, Тиверија Брера го има освоено Купот еднаш – во 2018 година, но има и два финални порази. Тимот од Струмица има голема мотивација да стави крај на доминацијата на Љуботен.
Сè укажува на многу квалитетен и неизвесен дуел, во кој и двете екипи ќе бркаат историја – Љуботен да ја продолжи доминацијата, а Тиверија да ја прекине и да го освои вториот Куп во историјата.
Интересен податок пред финалето е дека двете екипи стигнаа до завршниот натпревар без примен гол.
Љуботен
Порече 21-0
Вардар 8-0
Каменица Саса 2-0
Тиверија Брера
Билјанини Извори 21-0
Атлетико 5-0
Скопје 1-0
