Фудбалската репрезентација на Македонија во третиот меч од квалификациите за ЕП 2020 в петок ќе ја пречека Полска. Капитенот на полскиот состав, напаѓачот на Баерн Минхен, Роберт Левандовски,очекува тешко гостување во Скопје.
„Многу фудбалери имаа напорна сезона, но треба да бидеме подготвени за натпреварите против Македонија и против Израел. Квалитетот е на наша страна и би сакале да продолжиме победнички во групата. Македонија е одличен тим, посебно добро игра во Скопје и ќе мораме да бидеме внимателни“, изјави Роберт Левандовски.
Македонија ќе ја пречека Полска на 7 јуни, со почеток во 20.45 часот.
