Реал Мадрид ја заврши сезоната со стил, победувајќи го Реал Сосиедад со 2-0 во последното коло од Ла Лига. Натпреварот на „Бернабеу“ беше одбележан не само со сигурната победа, туку и со емотивното збогување на две клупски легенди — Лука Модриќ и Лукас Васкез. Тоа истовремено беше и збогување со легендарниот тренер Карло Анчелоти.
Херој на мечот беше Килијан Мбапе, кој со два погодоци ја потврди победата на „кралевите“. Во 38. минута, Французинот најпрво не реализираше пенал, но одбиената топка ја смести во мрежата за 0-1. Во второто полувреме продолжи притисокот на Реал, а Мбапе го потврди триумфот со нов гол во 84. минута, поставувајќи ги конечните 0-2.
Овој натпревар останува запаметен по збогувањата. Лука Модриќ по 13 години, пет титули во Лигата на шампионите и безброј „кралски“ моменти, се простува од Реал. Лукас Васкез, исто така, го одигра својот последен натпревар во дресот на клубот, по десет години верна служба.
Една ера заврши, заминува и Карло Анчелоти, но со Мбапе како нов лидер, Реал влегува во ново поглавје со високи амбиции. Клупата ќе ја преземе Чаби Алонсо.
