Баерн Минхен беше на чекор до освојување на титулата откако направи неверојатен пресврт против Лајпциг на гостински терен и поведе со 2-3, но радоста беше краткотрајна – Јусуф Полсен постигна гол во 95-тата минута и постави конечни 3-3, со што го одложи шампионското славје.
Иако Баерн со ова реми е многу блиску до титулата, сепак мора и математички да ја потврди во наредното коло.
Натпреварот започна одлично за Лајпциг – Бењамин Шешко го отвори резултатот во 11-тата минута, а Клостерман зголеми на 2-0 во 39-тата.
Баерн се разбуди во второто полувреме – Ерик Даер намали во 62-та, а само една минута подоцна Мајкл Олисе го израмни резултатот. Лирој Сане во 83-тата минута донесе целосен пресврт, но Полсен со погодок во финишот ги замолчи гостите.
Голови имаше и на други натпревари: Борусија Менхенгладбах и Хофенхајм одиграа спектакуларни 4-4, Штутгарт победи на гости кај Сент Паули со 0-1, а Унион Берлин и Вердер одиграа 2-2.
