Челси и Кристал Палас одиграа реми без голови на „Стемфорд бриџ“ на стартот на сезоната во Премиер – лигата. Светскиот клупски првак очигледно дека не е во најдобра форма на почетокот од шампионатот.
Кристал Палас успеа да погоди преку Езе, но голот беше поништен по ВАР-одлука. „Сините“ ја изгубија свежината во финишот, додека гостите беа задоволни со бод.
Нотингем Форест славеше 3-1 против Брентфорд. Крис Вуд постигна два гола, а дебитантот Дан Ндоје додаде уште еден. Брентфорд намали од пенал преку Игор Тијаго, но домаќините рутински ја завршија работата и дојдоа до првите три бода.
